|
澳洲 2005 第十天 The Bell's Line of Road LONELY PLANET 及幾本旅遊書都推介進出 BLUE MOUNTAIN 的另一條路: the Bell's Line of Road. 說路途雖然遠了, 但是沿途美景非常, 有車人士不可錯過. 我這次租了車, 於是離開 BLUE MOUNTAIN 時, 選擇這條路線. 繼上次馬六甲 "美妙絕輪"的SOUND & LIGHT SHOW 後, 又一次證明鬼佬的TASTE有時和我不相同. The Bell's Line of Road 是一條樹影婆娑的道路, 景色不錯, 與清水灣道相若, 未致於值得多花個多小時繞大圈.
途中經過一個小火車站, 遇到一列供遊客坐的火車埋站. 這裏有蒸氣火車及柴油火車交替運行. 可惜我地沒有時間等蒸氣火車.
CLARENCE 係站名. 呢度都有個冒牌 PLATFORM 9 3/4.
沿途仲停晌一個BOTANIC GARDEN. 原來 BOTANIC GARDEN 係指植物園. 但係呢個GARDEN 都好把鬼. 保養得唔好, 無乜野睇. 得呢個日光計時器 (?)得意 D, 原來好鬼準. 佢仲有埋說明, 教人晌不同月份調整誤差.
BONDI BEACH 行完條漫長既路，去到sydney 已經黃昏. 因為第二日先至還車, 所以去sydney 周邊地方行下先, 費事行 city. 我地去左 bondi beach. 晌果度見到澳洲既"抄牌官". bondi beach 有兩個人專責抄牌, 我地唯有乖乖地俾錢泊車. 成廿幾蚊一個鐘, 拍得住中環價錢. 黃昏先至到bondi beach, 梗係冇野睇.
行完 BONDI BEACH, 搵左間旅館住. 原來呢間旅館下面兩層係大型酒吧, 旅館周圍一早泊滿酒客 D 車．我地搵左好耐，先致晌隔離兩條街泊低架車． 以為咁就好可安心訓天光，好衰唔衰我地又見到幾個人鬼鬼祟祟偷路牌．突然覺得呢度唔太平，驚架車會泊街邊會俾人偷．結果渣番架車番旅館等車位．又要搞左一輸先至搵到個位． 回主頁 |
