澳洲 2005
第十一天 SYDNEY - SOUTH END
今日中午還車，所以早上用盡架車，去左 SOUTH END 睇懸崖．果度係SYDNEY HARBOUR 既入口，好似鯉魚門咁，守住個維多利亞港港口．
前面個懸崖係 SOUTH END, 遠處係NORTH END. 真係幾有氣勢. 據聞呢度係情人自殺聖地．
跟住渣車去CITY CENTRE 事先租既旅館放低行李，然後去機場還車．好在租車公司 CHECK 車都係咁二睇下有冇撞凹就算, 冇理MINOR DEFECT (有一小點被石仔撞花左).
還車之後一身鬆晒．搭 HOTEL SHUTTLE BUS 去魚市場食海鮮. 呢間 SHUTTLE BUS 公司 (AIRPORTER) 值得一提. 機場火車往 CITY CENTRE 好貴, 成港幣百幾蚊一程. 呢間SHUTTLE BUS 公司提供HK$80 來回機場接送, 送到酒店門口. 佢地既SERVICE 好過香港既機場巴士, 回程可以約時間到酒店接.
缺點係 D 車比較舊. OK 啦, 咁既價錢.
唔覺意賭左錢
SHUTTLE BUS 送我地到最接近魚市場既酒店. 原來果度係賭場. 我地 "順手" 賭番幾手. 當然係輸啦．好在唔係輸自己錢．
澳洲賭場有樣野好, 第一次入去會送十元澳幣籌碼. :)
兩個爛賭鬼賭到下午兩點幾至捨得去 FISH MARKET 食野. D 蠔同芝士焗龍蝦OK 啦, 隻蟹冇味既. :(
步行過SYDNEY BRIDGE
上次遊SYDNEY 只係坐渡輪在SYDNEY橋下穿過. 今次特意要步行過橋. 條橋好大, 來回共八條行車線, 兩條火車路, 一條單車路, 一條行人路.?? 遠觀與親身走到橋上的感覺完全不同. 親身走在橋上才能感受到大橋有多宏偉.
沿途遇到不少本地上班一族換上運動服跑步回家．
相中央的黑點是參加了爬橋的遊客。相信他們感受更多。
跟著我們去了KING CROSS 紅燈區逛街。可惜KING CROSS 今非昔比，沒有以前的特色了。我們的收獲是找到一間大超級市場，買了很多的手信。 :)
第十二天 返屋企啦
最後一天的上午參觀了澳洲現代藝術博物館。大家不要被它古典的外表騙到，它內裏展示是現代藝術。我們只有時間參觀一個展覽館，已體會到藝術原來可以有那麼種不同型式展示。
這所藝術館位於SYDNEY 旅遊區，我們終於在這個區的記念品店找到有澳洲特色的手信。我還買了兩對太陽眼鏡，原來澳洲的太陽眼鏡比香港的便宜很多。
終於滿載而歸！