|
澳洲 2005 第三、四天 MT BULLER 滑雪day 3, 4 去 mt bullter 滑雪. join 左 local package, 包交通、一晚山下住宿、早晚餐.另外要租 ski、買 lift ticket, join training course, 每人總共用左千幾 hk$. 果度租條滑雪褲要成 hk$100, 早知就晌花園街買條 cheap 雞野啦. 第一日就晌 ski school 對出既暗斜斜坡上 ski lesson, 2 hours. 個班太多人, 成十幾人, 個鬼佬教練只係專心教靚靚鬼妹, 結果我地學唔到咩. 連行上斜坡都唔識. 我地行兩步退三步, 搞到身水身汗, 累到死. 結果我地其中兩個人上完堂, 冇再 practice, 除左對 ski, 遊下 lift 河, 上山頂影下相算啦. 有兩個肯堅持落去, 結果學識左"停", 少少"轉彎". 我晌下午膽粗粗上左 green run 山頂, 試下 sir 落黎. 出事啦! 我一落 ski lift 就跌到隻野咁, 第一個斜坡跟住跌左幾獲柑既. 搞到冇晒信心. 即刻坐 lift 落返 ski school 附近既 baby slope 重新練下 "轉彎". 相中就係 ski school 對出既學習地方.
夜晚晌山下一間 resort 住. 設備簡單, 乾淨企理.
第二日另外有兩個鐘 ski lesson, 當然係 starting-from-zero lesson 啦. 好在今次全班只係有七、八人, 個教練教得好好. 佢係華人, 好過昨日個鬼好多. 教練教番晒我地昨日應該識既 basic ski, 用左一個好簡單既方法教曉我 "轉彎". 正! 識得 "停", "轉彎" = 可以用 "之" 字方法滑斜坡. 利用呢兩個技巧, 我下午就克服左昨日個 green run. 呢次滑雪洗費好貴, 好在學識左滑雪. 宜家 manage 到 green run (初學者玩的斜坡). 試過由山頂一直滑到尾都冇跌過. ^^ 下面張相晌 green run 山頂影. 我曾經晌度跌到隻野咁. 但係 D 幾歲既 BB 跟住教練上呢度一路滑到尾. 真係佩服鬼佬教仔方法, 乜都俾 d 仔女試. 心口有個勇字.
BB 就晌呢 D 斜坡滑落去.
|
