回主頁

澳洲 2005

第五天　PHILIP ISLAND

　　今日親友渣車去 philip island.   我坐車頭, 做領航員.  :)　原來 melbourne d 路好簡單, 記住三個道路 no, 就去到目的地啦.

　　第一個景點係睇野生海獅.  d 海獅"集結"晌海邊對出一個小島上.  用望遠鏡睇, 都係只係"蚊之"咁細隻,  真有 d 搞笨.   好在當時日落景都唔錯.


 

　　今日既主力都睇 penguin parade, 其實係睇企鵝上岸.　呢度 d 野生企鵝返屋企(灌木林)途中, 經過沙灘, 因為沙灘冇遮冇擋, 佢地好鬼驚, 會晌水邊集齊十幾"人", 一次過沖過沙灘, 走入草叢.　睇左幾隊企鵝係咁沖, 真係好過癮.

　　我地由沙灘行返停車場途中, 可以近距離睇到企鵝, 因為棧道正正建在它們的灌木林上.　因為唔俾影企鵝, 唯有影停車場個牌俾大家睇下.

 

第六天　淘金

　　今日去淘金, 其實目的地係一個由舊金鑛改成既主題公園.  果度整到成個淘金城鎮咁樣. 最好玩既就係晌溪邊淘金.  原來果度真係有金.   當然係工作人員事先放落去啦 .


　　淘金係有方法既, 晌溪邊有專人教.  識同唔識有好大分別.   右面果 d 係一個有"聽書"既人淘到既金.  :)

 

　　我地搵到最大果粒金, 大約係"鼻屎"咁大, 晌記念品店賣 aus$14.   有相為證.

 

第七天 GREAT OCEAN ROAD

　　day 7 join local tour 去 great ocean road 睇十二門徒石.　 十二門徒石很有氣勢, 我當時完全感受到大自然的威力.

　　不過呢 d 野真係各花入各眼.　同團有個 malay 阿伯, 去到景點就大叫: "我們坐了那麼多車, 坐到屁股開花啦, 就是看這些.  唉 ......."   :)

 

　　great ocean road 既景色不只十二門徒石, 其實建於懸崖邊的 great ocean road 本身已很壯觀.

　　我因為曾經計劃過自駕車去 ocean road, 所以特別留意路況.　great ocean road 彎路很多, 自駕車難度同清水灣道相若.   要注意既係駕車時間長, 由 melbourne city 查車, 沿住 great ocean road 至十二門徒石要約三小時.

　　自駕車最好預兩日時間慢慢玩, 中途晌 great ocean road 其他景玩下.  晌小鎮住一晚, 第二朝早上去十二門徒石, 當時既光線最適合.

　　另一個 tip: 記住著多 d 衫, 帶埋帽.  果度大風到飛起.

 

　　前面一堆碎石原本係十二門徒石之一, 早幾個星期先至倒下.  :(

 

齋睇懸崖已經好壯觀.　遠處沙灘一點點既係遊客. 有 D 團會帶遊客落沙灘.

回主頁