|
澳洲 2005 第八天 SYDNEY 行大運 坐內陸機去到sydney airport 第一件事就去 hertz 取預先租的車. 我第一次租車係晌台灣墾丁, 當時好簡單. 呢次係第二次. 估唔到咁鬼煩. 當時俾人侷買保險, 因為 staff 話, 若果冇買, 還車時若果撞凹 "ding屎" 咁多, 都要賠十幾萬港幣, 唔係壞幾多陪幾多. 結果租車 aus$30, 保險要 aus$28, 每日計. 即使係咁, excess 都要 aus$440. 呢個 excess 又係撞凹 "ding屎" 咁多, 都係賠 aus$440. 搞到我渣住架車, 驚餐死, 泊車離其他車九省咁遠. 早知係咁, book 車果陣就買埋保險, 會平少少. 我租 echo, 結果 upgrade 左去corrolla. 只係行左 1000km. 簡直係新車. 1800cc 棍波, 勁好力. 打算去 blue mountain. 睇地圖只係行 city 方向, 行 highway 接 highway. 晌 melbourne 行細路都冇問題, 呢度行 highway 完全冇問題啦, 我估. 點知就中招! 行左成粒幾鐘先至發現行錯路, 一出機場行 city 方向原來係錯既. @_@''''
結果當然去左九省咁遠. 參照附圖, 機場位於右頁下角, 目的地 bluemoutain 晌左頁下角, 我地去了右頁上角
.
我地"唔覺意"黎左呢度玩: WHALE BEACH. 見唔到 WHALE 既 WHALE BEACH. 感覺似"靚版"清水灣道.
當我地搵番條路, 又發現去 blue mountain 條路勁多車, 居然塞車! 當時係星期五放工時間. 唔係咁多人放工就去 blue moutain 度假下話? 唔好同我迫啦, 我仲未 book motel 架! 好在行左個幾鐘, 車輛漸少. 原來佢地住 suburban, 返屋企0者. 一額汗! 原本好驚晌夜晚渣車行山路上 blue mountain, 原來即使冇街燈, 條路都好好行, 上下行有四條線, highway 一樣. 發覺澳洲好難"搵食", 貴野唔捨得食, 平野又冇乜特色. 當晚食左中東包, 好鬼咸. 第二晚就去SUPERMARKET 買公仔面、腸仔番旅館食算數.
當晚住呢間MOTEL, 右面既白色車就係我地租既 COROLLA. 可以停架車晌正房間門口. 大家留意下我泊車離人地幾遠. :)
|
