京都 / 大阪

早上去o左京都清水寺, 平安神宮, 二條城. 之後去大阪, 我自己一個去o左 Blossom Outlet shopping, 我o的friend就去行大阪城. 落o左地鐵, 原來要行成3個字先到. 個Outlet唔係好大, 我好快就行完, 最後買o左件T-shirt. 後尾係梅田站meet返o的friend, 便一齊落道頓崛間金龍食拉麵. 唉~~ 原先諗住係日本橋站出會近o的, 點知行錯o左路, 越行越黑, 越行越唔係好掂, 見到好多男人站在街中, 又有o的五顏六色既燈箱, 我o地都有o的驚呀, 之後問o左幾次路先搵到道頓崛, 好彩咋~~

今次呢道頓崛主打金龍拉麵, 次食其對面勁排長龍既燒墨魚丸. 金龍拉麵o的確唔錯, 最後想飲埋o的湯, 唔得, 太飽啦, 剩返細半碗湯到. 之後轉向燒墨魚丸店, 嘩, 落 order 個哥仔一見到我o地, 就用廣東話講哂o的價錢俾我o地聽, 真係pro~~ 不過唔知係咪太多人幫親, o的墨魚丸不太熟, 又細粒o的. 特別的是, 隔離又有間燒墨魚丸店, 但係一個客都無, 見到個老板都幾無癮.