第二日: 雪‧遇
作者 : 大力
一早就起身食早餐,日今日個天灰灰的, 似乎想想地落雪, 一邊食早餐, 一邊睇住雪景, 同之前夜晚影又真係好唔同既感覺! 早餐被雪地一襯, 顏色很鮮艷奪目, 食落好像特別美味。
吃過早餐, 就外出活動活動, 消秏下能量, 吸下的雪氣。 不過, 唔使幾耐, 又要去搵食, 地點就係始終念念不忘既富良野布丁, 同埋佢的蛋糕。
去到其實都已經好多人, 不過就係外賣, 我地叫左蛋糕同咖啡, 都要等一陣先有得食, 唔, 真係令人回味再三! 食完早餐同午餐既間隔茶點, 就又出外走走, 睇睇冬季既富良野同夏季有咩異同。 富田農場外都好靜, 唔會有車龍, 唔會有喧嘩既人流, 隔壁既花田就成為左滑雪場, 一大班小朋友係度學習 "雪板"。
我地開到去一處山邊, 向住成個富良野地區, 可以黎一個全景圖, 同夏天比較真係有另一種風格。影得咁上下, 又係時候食午餐, 黎個拉麵一大碗, 成身都暖晒, 跟住再去搵雪榚食, 中和一下, 嘻嘻!! 每餐都係咁相隔真係好有滿足感! 之後又再出去行行企企, 放一下的能量, 輕輕鬆鬆就已經去到晚飯時間, 又係時候返屋仔。
稍作梳洗, 晚餐時間就到, 今晚既菜單係唔同左, 另外我今晚就飲左枝本地啤, 麥味好濃, 好飲! 主菜係一個油鹽水豬肉, 咪睇佢白白淨淨, 原來都幾惹味, 配上啤酒個種感覺係非常良好!
一曲濃香味美既終, 又係時候入浴跟住訓覺。
迴響: (0).
引用:(0).
靜態連結網址.
發表於 2006.02.22, 08:00
[«]
[上一日]
2006 大鼻舊舊五日北海道走快
[下一日]
[»]