第五日: 平淡之路
作者 : 大力
朝早起身, 好難得住東橫見到既唔係人地大廈既牆, 而係有少少紅葉景致既窗。呢間東橫真係幾好景, 連樓下食早餐既大堂, 都係可以有景既, 如果再遲一段日子黎, 真係可以用滿山紅葉景佐膳。
呢日要渣好長途既車去高知縣既尾尾, 沿途其實都無咩時間搵地方參觀, 淨係有的公園仔小休一會, 同的鯨魚公仔合照一下。一路上風景變化不大, 大多都係在山間高低錯落咁遊走, 間唔中亦會見到海。 行進了大半天, 我地就卒之到左中村, 先去中村車站搵上資料。 居然俾我地見到架麵包超人列車係度, 我地企係個閘口影, 個好人站長哥哥居然示意我地可以行入月台影, 真係開心呢!
謝過站長之後, 就去酒店辦手續, 之後見重有日光, 就出去搵下的參觀點, 去左一個就近既安並水車の里。 呢類小型景點, 旨在影幾幅相, 無咩實際野可以研究好耐既。 如果係夏季時刻, 水道附近有多些花花襯起, 又多的遊人的話, 應該會幾好睇幾熱鬧幾有生氣, 相反呢個時間, 感覺會好似破落戶咁有點蕭條感。
參觀克呢度就去左搵食醫肚, 係路上見到一家餅店預備關門, 剛剛可趕上買到少許飯後甜品, 為晚餐加添少許點綴。
迴響: (0).
引用:(0).
靜態連結網址.
發表於 2006.11.10, 08:00
[«]
[上一日]
2006 大鼻舊舊 四國行
[下一日]
[»]