11.4. 我怕我的相機的記憶咭不夠用, 有甚麼辦法呢?
最直接就是帶手提電腦, 每天將照片由記憶咭抄下來. 如果沒有手提電腦的話, 可以在電腦商場買一些 Digital Pocket 的抄相裝置, 你只需另購一個手提電腦用的硬碟機裝上(可要求店員替你裝上), 就可隨時將你記憶咭的相抄錄至硬碟內.
如果你不想花費這麼多的話, 在日本非常多沖曬店都提供將相燒入CD-R 的服務, 不過問過要半日, 若果係自己舖頭有部機的話, 一至兩個鐘頭之內可以取回. 另外新宿 Sakuraya さくらや / Bic Camera 之類大電器店亦有, 可以去 counter 叫職員整, 或者有部機你自己整 (多謝 Mako 資料及相).
你亦可上網吧將相機內的照片上網 (如 webshots, fotop 等), 但要留意現在 DC 起碼六百萬 pixel, 每張 fine 的 jpeg 起碼都有 2-3 MB 一張, 免費的網上 account 未必可以幫你保存全解像的照片, 或只能 upload 到部份照片, 因此我覺得最佳都是多購一兩張後備的 SD 咭更實際. SD 咭已越來越便宜, 2 GB 的咭只需 $3-400 左右, 不妨多購一張. SD 咭在香港購買會比較便宜, 不宜在日本買.